Një rast i ri i dyshuar me hantavirus u identifikua te një shtetas britanik në ishullin Tristan da Cunha të Atlantikut Jugor të premten, ndërsa përpjekjet vazhdojnë për të gjurmuar pasagjerët e anijes luksoze turistike të goditur nga virusi dhe kontaktet e tyre. Agjencia britanike e sigurisë shëndetësore nuk zbuloi detaje të mëtejshme të rastit të ri të dyshuar në ishullin më të largët të banuar në botë, ku jetojnë vetëm rreth 200 persona, ku anija turistike ndaloi më 15 prill. Tre persona, një çift holandez dhe një shtetas gjerman, kanë vdekur tashmë në shpërthimin në MV Hondius. Katër të tjerë janë konfirmuar si të infektuar, dy britanikë, një holandez dhe një shtetas zviceran, dhe po trajtohen në spitale në Holandë, Afrikën e Jugut dhe Zvicër. Një grua holandeze vdiq pak pasi kishte lënë anijen më 24 prill. Ajo ishte gruaja e 'pacientit zero', burrit holandez që vdiq në anije më 11 prill.