Arrestimi i Ervin Matës në Brazil ka rikthyer vëmendjen te roli i grupeve kriminale ballkanike në trafikun ndërkombëtar të kokainës. Sipas “Insight Crime”, Mata dyshohet se shërbente si lidhje mes furnitorëve të Amerikës Latine dhe blerësve europianë, duke koordinuar dërgesa droge nga Brazili drejt porteve në Spanjë dhe Gjermani. Raporti thekson se grupet kriminale nga Shqipëria, Serbia dhe Mali i Zi janë kthyer në aktorë kyç në trafikun e kokainës dhe pastrimin e parave, duke menaxhuar rrugët dhe logjistikën mes Amerikës së Jugut dhe Europës. Në analizë përmenden edhe emra të njohur shqiptarë si Dritan Rexhepi, i arrestuar në Ekuador e më pas në Turqi, si dhe organizata “Kompania Bello” dhe “Klani Farruku”, të dyshuara për trafik ndërkombëtar droge.