Publikimi i dokumenteve hetimore mbi çështjen e Jeffrey Epstein ka ekspozuar identitetet e dhjetërave viktimave të abuzimit seksual. Sipas mediave ndërkombëtare, në dokumentet e publikuara janë shfaqur foto nudo, emra dhe fytyra të viktimave të abuzimit seksual, si edhe të dhëna personale si llogari bankare dhe numra të sigurimeve shoqërore, të cilat sipas ligjit duhej të ishin redaktuar dhe mbrojtur. Gjithashtu, janë shpërndarë online fotografi, ku fytyrat e grave shfaqen qartë, pavarësisht përpjekjeve të mëvonshme të Departamentit të Drejtësisë për të korrigjuar gabimet. Situata ka shkaktuar reagime të forta nga viktimat dhe avokatët e tyre, të cilët kanë kërkuar mbylljen e menjëhershme të faqes dhe emërimin e një monitoruesi të pavarur për të parandaluar shkelje të mëtejshme të privatësisë.