Detaje të reja kanë dalë nga aksidenti i mëngjesit të së enjtes në punë, i cili rezultoi tragjik për të riun Emiliano Frroku. 28-vjeçari humbi jetën, teksa po punonte në një pallat i cili ishte në ndërtim në Shëngjin. I riu nuk ka arritur t’u mbijetojë plagëve dhe ka humbur jetën në spital. 28 vjeçari sapo kishte nisur punën në orën 7:30 të mëngjesit të së enjtes, ku sipas burimeve thuhet se ka qenë duke ngjitur vinçin, por është shkëputur duke rënë poshtë bashkë me mjetin e tij të punës. Sipas Inspektoriatit të Punës punonjësi ishte i pasiguruar, duke punuar kështu ‘në të zezë’. Dyshohet se shkak i aksidentit fatal ka qenë mosrrespektimi i kushteve të sigurisë teknike më punë nga ana e kompanisë ndërtimit.