Njëri nga personat që mbeti viktimë e aksidentit tragjik të regjistruar në orët e para të mëngjesit të kësaj të enjte në kryqëzimin e 21 dhjetorit në tiranë, është efektiv policie në burg. Shkak për tragjedinë e rëndë u bë një 30 vjecar I papërgjegjshëm, I cili kaloi me semafor të kuq në kryqëzim duke u përplasur kështu me një automjet, ku viktimë mbetën dy persona, Luan Cenollari, babai I dy fëmijëve dhe Ali Bajo 69 vjec. Ky I fundit ishte pasagjer në makinën e policit që natën punonte si taksist për shkak të gjendjes së vështirë ekonomike. Autori i aksidentit është Emirjan Doko, I cili përvecse ishte në gjendje të dehur, në makinën e tij, shërbimet policore gjetën një armë zjarri. Burimet bëjnë me dije se I riu ishte nga Laci, ndërsa misteri I gjithë kësaj ngjarje është që, si ka mundur të vijë I riu nga laci në tiranë në orën 3 të mëngjesit, duke shkelur orën policiore dhe duke mos u ndaluar nga asnjë postoblok. Ndërsa mister mbetet edhe arma e tij në makinë. Pyetja që ngihet është, ku po shkonte i riu dhe cfarë donte të bëntë me një armë zjarri në orë 03 të mëngjesit. Në lidhje me këtë ngjarje pritet që policia dhe prokuroria të hedhin dritë mbi dinamikën e ngjarjes. Ndërsa gjithashtu pritet një reagim nga drejtori I përgjithshëm I policisë së shtetit, Gledis Nano, për të sqaruar që përse nuk ka pasur asnjë patrullë policice përgjatë aksit rrugorë Lac-Tiranë, dhe përse nuk ka pasur efektivë policie në qarkullim në zonën ku u regjistrua ngjarja e rëndë.