Të paktën 26 persona janë vrarë dhe më shuëm se 100 të tjerë janë palgosur si pasojë e sulmeve izraelite tha Agjencia për mbrojtje civile në Gaza. Zëdhënësi i agjencisë, Mahmud Basal i tha AFP-së se 22 persona u vranë pranë një qendre të ndihmës në jugperëndim të Han Junisit, kurse katër të tjerë afër një qendre në veriperëndim të Rafahut, duke fajësuar “sulmet izraelite” për të dyja rastet. ndërkohë ushtria izraelite tha se po heton këto pretendime. Lufta në Gaza, ka shkaktuar një krizë të rëndë humanitare në enklavën palestineze. Mbi 2 milionë persona që jetojnë aty po përballen me mungesë të furnizimeve ushqimore dhe furnizimeve të tjera elementare, teksa mjekët kanë raportuar për rritje të madhe të rasteve të kequshqyerjes. Raportimet për sulmet ndaj personave që kërkojnë ndihma pranë qendrave të shpërndarjes janë rritur ndërkohë sipas autoriteteve palestieneze. Një ditë më parë, agjencia për mbrojtje civile në Gaza raportoi se nëntë persona u vranë pranë qendrës për shpërndarjen e ndihmës në veriperëndim të Rafahut. Fondacioni Humanitar për Gazën – që mbështetet nga SHBA-ja dhe Izraeli – mori përsipër shpërndarjen e ndihmës në Gazë në fund të majit. Ky fondacion tha se të mërkurën 20 persona vdiqën në Han Junis. Por, për vdekjen e tyre fondacioni fajësoi “personat e armatosur të lidhur me Hamasin” që pretendoi se shkaktuan “skena katoike dhe të rrezikshme” dhe “qëlluan drejt personave që kërkonin ndihma”.