Riljon Lala ka shijuar për gati 1 muaj lirinë pasi arrti të arratisej nga mjediset e komisariatit nr. 1 në Tiranë. Por policia është vënë sërish në gjurmët e 30 vjeçarit duke e vënë sërish në pranga. Arrestimi i tij është bërë mbi bazën e informacioneve të marra në rrugë operative, nga shërbimet e komisariatit të Policisë Nr.1 në zonën e Ali Demit. Ky shtetas ka qenë i shpallur në kërkim për veprat penale "Armëmbajtje pa leje" dhe "Largim nga vendi i vuajtjes së dënimit". Riljon Lala u vu në pranga në kushtet e flagrancës në 2 janar pasi po lëvizte me një armë me vete, por dy ditë më pas duke goditur për shkak të detyrës punonjësit e policisë së Komisariatit Nr.1, ai mundi të largohej që aty në momentin kur po i merreshin shenjat e gishtave dhe do dërgohej për masë sigurie në gjykatë dhe të jetonte në arrati për një muaj. Arratisja e tij shkaktoi furtunë në komisariain nr 1. 7 efektivë u vunë nën hetim administrative nga Shërbimi për Çështjet e Brendshme dhe Ankesat, dhe ndaj tyre nisi procedimin penal. efektivët e policisë me gradën inspektor që ishin të pranishëm në momentin e arratisjes së Riljon Lalës u hetuan në gjendje të lirë pasi dyshohej se shkelën procedurat standarde të punës të vendosura për rastet e shoqërimit të të arrestuarve apo të ndaluarve nga dhomat e izolimit në ambiente të tjera, duke mos zbatuar me korrektësi dhe duke sjellë si pasojë largimin e Riljon Lalajt.