Dy persona janë shpallur në kërkim nga Policia, pasi akuzohen se trafikonin automjete të vjedhura me qëllim shitjen në Shqipëri. Sipas njoftimit zyrtar të Policisë, uniformat blu kanë sekuestruar 2 automjete “Audi A6” dhe “Audi A5”, me vlerë rreth 105 000 euro. Audi A6 rezulton I vjedhur në Gjermani, ndërsa ai A5 në Bullgari. Vetëm një ditë më parë, në kuadër të të njëjtit operacion të koduar ‘Stolen Line’ me qëllim goditjen e veprimtarisë së paligjshme të trafikimit të automjeteve luksoze, policia shpalli në kërkim dy shtetas të tjerë, përkatësisht 34 dhe 40 vjeç. Në cilësinë e provës materiale dy personave iu sekuestruan 2 automjete, “Benz GLC” dhe “Lynk&Co” prodhime të viteve të fundit, me vlerë rreth 110 000 euro. Ata trafikonin nga Italia në Shqipëri, automjete luksoze të vjedhura. Policia bën me dije se operacioni ‘Stolen Line’ vijon.