Tensioni është ngritur në qiell në Chikago ku policia ka publikuar videon në të cilën një agjent i ka qëlluar me pistoletë 13 vjecarit Adam Toledo, duke i marrë jetën atij. Në videon pak sekondëshe, shihet polici ndërsa ndiqte djaloshin në një rrugicë dhe i kërkon të ndalojë dhe të hedhë në tokë armën që kishte në dorë. Por, sapo ngre duart lart, 13 vjecari preket nga një plumb në gjoks, duke vdekur në vend. Ka qenë vetë policia ajo që ka shpërndarë imazhet nga kamera në trupin e agjenitit që ka qëlluar. Ngjarja ndodhi 29 marsin e kaluar. Djaloshi nuk duket se ka një armë në dorë ndërsa urdhërohet të ndalojë dhe të ngrejë duart lart. Në vijim të imazheve të publikuara tregohet një pistoletë afër vendit në të cilin djaloshi është rrezuar. Pas publikimit të videos në të gjithë cikagon ka patur manifestime. Kryebashkiakja e qytetit Lori Lightfoot, e cilësoi madje videon mizore dhe tronditëse dhe bëri apel për qetësi.