Jeffrey Epstein kishte regjistrime video të raporteve seksuale mes një gruaje dhe disa miqve të tij të profilit të lartë, mes të cilëve Donald Trump, Bill Clinton, Princit Endriu dhe manjatit britanik Richard Branson. Ky është rrëfimi shpërthyes nga publikimi i serisë më të fundit të dokumenteve të lidhura me rastin e financierit pedofil që vrau veten në qelinë e burgut sipas Nju Jork Post. Dokumentet, sipas medias amerikane, zbulojnë deklaratat e dhëna nga Sarah Ransome, një prej akuzueseve të Epstein, sipas të cilës, Trump kishte patur marrëdhënie seksuale me një prej mikeve të saj në banesën e financierit në Nju Jork, në disa raste. Në një seri emailesh të 2016-ës, gruaja pohon edhe se kishte kopje të regjistrimeve të bëra nga Epstein pa dijeninë e disa vipave që frekuentonte, mes të cilëve manjati trump, ish presidenti Klinton dhe vëllai i mbretit Charls. Dokumentet janë pjesë e një padie për shpifje që tashmë është zgjidhur, që Virxhinia Xhufre, akuzuese e Epstein, kishte ngritur në 2015-ën, kundër të fejuarës së tij, Zhislen Maksuell, e cila rekrutonte vajza për të dhe tani po kryen dënimin me burg. Mesazhet janë shpërndarë pasi avokatët e Maksuell kërkonin të dëmtonin besueshmërinë e Sarah Ransome.