Një grup protestuesish iu përgjigjen thirrjes për t’u tubuar para Kuvendit këtë të enjte. Disa prej tyre ishin pozicionuar në një nga lokalet e vendosura në krah të godinës së parlamentit dhe nga aty goditën me radhë me miell dhe vezë deputetët. Mielli dhe veza nuk kursyen as kreun e Kuvendit, Niko Peleshi. Forca të shumta policore ishin vendosur në lulishten dhe oborrin e godinës. Me përshkallëzimin e incidenteve me deputetët, uniformat blu ndërhynë duke shoqëruar pesë protestues. Efekt protestuesi i shtrire dhe një tjetër me pranga në duar Përballjet vijuan në hyrjen qendrore të godinës së Kuvendit, ku u aktivizuan edhe Forcat e Ndërhyrjes së Shpejtë. Protestuesit hodhën vazhdimisht vezë ndaj deputetëve, por kishte edhe nga ata që qëlluan me gurë.