Procesi i rivlerësimit kalimtar të punonjësve të policisë ka ecur me ritme të ngadalta, duke filluar me rreth 9 muaj vonesë nga afati i parashikuar fillimisht. Aktualisht janë shortlistuar për vlerësim vetëm 23% e subjekteve të fazës së parë, ndërkohë që për periudhën nëntor 2019–mars 2020 janë vlerësuar vetëm 16% e subjekteve të shortlistuara. Vonesat lidhen kryesisht me konstituimin e organeve të vlerësimit, nxjerrjen e akteve nënligjore për mbarëvajtjen e gjithë procesit, ngritjen e kapaciteteve të anëtarëve të KJV-së e sekretariatit teknik, si dhe infrastrukturën financiare dhe logjistike të nevojshme në funksion të procesit. Nga intervistat e thelluara me përfaqësues të autoriteteve apo grupe të interesit, është theksuar se vonesat janë edhe si pasojë e burimeve njerëzore të pamjaftueshme të Komisioni i Jashtëm i Vlerësimit, apo dhe nga vonesat në marrjen e informacionit të duhur për vlerësimin e subjekteve në kohë (në 15 ditë nga dërgesa e kërkesës për informacion). Për shkak të situatës së krijuar nga përhapja e virusit COVID-19 në vend dhe në kuadër të masave mbrojtëse për parandalimin e përhapjes së infeksionit të shkaktuar prej tij, Komisioni i Jashtëm i Vlerësimit njoftoi më datë 18.3.2020 kufizimin e veprimtarisë së tij institucionale. Nga ajo kohë, Komisioni i jashtëm i Vlerësimit ka kryer vetëm ato funksione organizative që mund të përmbushen në kushtet e banesës, nëpërmjet komunikimit elektronik dhe telefonik zyrtar. Vettingu policor ka njoftuar shtyrjen e afateve për të gjitha vendimet dhe seancat dëgjimore për subjektet e vlerësimit deri në një njoftim të dytë zyrtar gjatë kësaj