Shtetet e Bashkuara të Amerikës garantojnë që procesi I vettingut do të vazhdojë me të njëjtin ritëm për t’i dhënë Shqipërisë një sistem gjyqësor të denjë për një shtet perëndimor. Nëpërmjet një statusi në faqen zyrtare ne rrjetet sociale ambasada amerikane në Tiranë rikujton se SHBA ka dy përfaqësues të saj që e ndjekin nga afër këtë proces, ka është një garanci për respektimin e mbarëvajtjes së këtij procesi të vështirë. ‘Shtetet e Bashkuara janë angazhuar që të shohin procesin e vetingut në Shqipëri të vazhdojë me profesionalizëm dhe përkushtim. Me dy vendet tona në bordin e ONM-së – një për Departamentin e Shtetit & një për Departamentin e Drejtësisë – për monitorimin e procesit të vetingut dhe nëpërmjet vëzhguesit tonë ndërkombëtar, ne sigurohemi që organet e vetingut të respektojnë ligjin’, thuhet në njoftimin e ambasadës amerikane në Tiranë