26 politikanë në Bruksel do të kalojnë në ‘karrige të nxehtë’, shkruan DW. Parlamenti Evropian pritet t'i marrë në pyetje dhe do të verifikojë nëse janë të përshtatshëm për postet më të larta në Komisionin e ri Evropian. Cdo kandidat do të përballet tre orë me pyetje të shumta nga tetë grupe deputetësh të Parlamentit Evropian. Kur deputetët në plenum të miratojnë plotësisht përbërjen e re të Komisionit Evropian, ekipi i ri i drejtuar nga presidentja Ursula von der Leyen mund të fillojë punën më 1 dhjetor. Deputetët europianë pyeten për karrierën profesionale, interesat financiare, qëndrimet morale dhe politike, sjellja gjatë verifikimit: vetëbesimi, irritimi, belbëzimi apo deklaratat e (pa)qarta. Pas marrjes në pyetje, anëtarët e komisionit përkatës votojnë me dy të tretat e shumicës për të vendosur nëse testi kalohet apo jo.