Çmimet e naftës u rritën të premten pasi SHBA dhe Irani shkëmbyen zjarr në kanalin kryesor të Ngushticës së Hormuzit. SHBA tha se kreu sulme vetëmbrojtëse në përgjigje të sulmeve "të paprovokuara" iraniane, ndërsa anijet amerikane po niseshin nga Gjiri përmes ngushticës. Irani në anën tjetër tha se SHBA kishte shkelur armëpushimin. Çmimi global i naftës Brent u rrit me pothuajse 3% duke arritur në gati 103 dollarë për fuçi në një moment, përpara se të binte përsëri në rreth 100 dollarë. Pavarësisht sulmeve, Presidenti amerikan Donald Trump tha të premten se armëpushimi SHBA-Iran është ende në fuqi.