Luftanijet indoneziane po udhëheqin kërkimet për nëndetësen që u zhduk me 53 pjesëtarë të ekuipazhit në bord dhe që ka oksigjen të mjaftueshëm vetëm për pak ditë. Një gjurmë karburanti është pikasur në vendin ku nëndetësja mendohet se u zhyt, mëngjesin e të mërkurës, cka lë të mendohet për një dëm të mundshëm në karburatorin e saj dhe që ka ndezur frikën për një katastrofë vdekjeprurëse. Ekuipazhi i nëndetëses KRI Nanggala 402 mund të ketë oksigjen të mjaftueshëm deri në mëngjesin e të shtunës, por koha po kalon shpejt dhe ende nuk ka një gjurmë të nëndetëses. Sidoqoftë, analistët e mbrojtjes kanë paralajmëruar se nëndetësja edhe mund të jetë copëtuar nëse është zhytur në thellësinë që mendohet se shkon deri në 700 metra. Ministri australian i mbrojtjes, tha se raportet fillestare ngrenë perspektivën e një tragjedie të tmerrshme. Nëndetësja e ndërtuar në gjermani do të kryente një stërvitje me torpedo, kur kërkoi lejen për tu zhytur. Ajo humbi kontaktet menjëherë më pas.