Janë rreth 274 milionë infektimet me koronavirus në të gjithë botën që nga fillimi i pandemisë e mbi 5 milionë viktimat. Këto janë të dhënat dramatike të OBSH. Kjo e fundit, sidoqoftë, ka zbuluar edhe ekzistencën e vendeve ku koronavirusi nuk ka vënë kurrë këmbë. Duket e pabesueshme, por janë 10 shtete apo territore ende Covid-free. Dhe pyetja lind natyrshëm: si kanë mundur ti shpëtojnë valëve të përsëritura të pandemisë? Përgjigjia sidoqoftë është e thjeshtë: kjo falë pozicionit të tyre gjeografik dhe dendësisë së ulët të banorëve. Lista e OBSH nis me Kiribatin, Mikronezinë, Naurun dhe Niue. Këto katër shtete ishullore ndodhen në paqësor. Më pas lista vijon edhe me ishujt Pitcairn dhe ishullin e Shën Elenës, të dyja territore britanike. Pason territori i zelandës së re, Tokelau, arqipelagu Tuvalu dhe Turkmenistani. Lista mbyllet me Korenë e Veriut, edhe pse dyshimet mbi besueshmërinë e të dhënave të ofruara nga Peniani janë të pafundme. Në fakt, vendi i Kim jong unit, nuk shkëlqen për sa i takon transparencës dhe shumëkush mendon se është e pamundur që të mos ketë patur atje asnjë infektim nga dhjetori 2020 e deri më sot.