Në zonën e Kamzës në kryeqytet, policia zbuloi një magazinë ku stampoheshin veshje të kontrabanduara me logo false, për pasojë vuri në pranga një shtetas turk, ndërsa një tjetër e shpalli në kërkim. Shërbimet e policisë me kërkesë të prokurorisë Tiranë ndërhynë në magzinë, ku gjtën makineri për falsifikimin dhe stampimin e logove që vendoseshin në veshje dhe këpucë të ndryshme, teksa dyshohet se shtetasit turq kishin shmangur detyrimin doganor. Policia arrestoi shtetasin Ozkan Sulun dhe shpalli në kërkim shtetasin Mehmet Karçiga, ndërsa tre punonjëse në këtë magazinë po hetohen në gjendje të lirë. Në kuadër të operacionit të koduar Brands 2, u sekuestruan sasi të mëdha veshjesh, këpucësh, makineri lazeri, printimi ose stampimi, stampa, logo të markave të njohura ndërkombëtare, 1 celular, si dhe sende, dokumente të tjera që do t’i shërbejnë hetimit. Policia e Tiranës pas finalizimit të operacionit dhe pas sekuestrimit të materialeve, e referoi ccështjen në organin e akuzës për kryerjen e veprave penale “Shkelja e të drejtave të pronësisë industriale”, “Punësimi i paligjshëm”, “Kontrabanda me mallra të tjera”, “Tregtimi dhe transportimi i mallrave që janë kontrabandë”, “Ruajtja ose depozitimi i mallrave kontrabandë”, “Fshehja e të ardhurave”, “Falsifikimi i vulave, i stampave ose i formularëve”. Shërbimet policore vijojnë kërkimet për gjetën dhe arrestimin e Mehmet Karçigas.