Kantina Braha prezantoi për herë te parë verën Kroi i Bardhë me firmën e mjeshtrit botëror të enologjisë, Riccardo Cotarella. Në zemër të një prej eventeve më prestigjioze të verës në botë, Vinitaly, Shqipëria u prezantua me krenari përmes një krijimi unik të Kantinës Braha. Erjola Braha, Themeluesja dhe CEO-ja, e Alehandro group, solli në këtë event jo vetëm një verë, por një histori, një identitet dhe një thirrje për të rivlerësuar rrënjët shqiptare, pasi ky produkt është krijuar nga dy varitete autoktone: Debinë dhe Shesh i Bardhë. Në këtë prezantim të veçantë, i pranishëm ishte edhe drejtori i Corriere della Sera, Luciano Ferraro. Për Erjola Brahën prodhuese të Kantinës artizanale Braha qëllimi ishte rikthimi i vëmendjes te tradita e kultura e vreshtarisë dhe enologjisë shqiptare që na simbolizon prej mijëra vitesh. Sipas mjeshtrit Cotarella, vera e mire mund të prodhohet kudo, edhe në tokën shqiptare, dhe kjo është një e vërtetë që meriton të njihet e të përcillet te kushdo. Vera Shqipatare sot mban firmen e mjeshtrit Riccardo Cotarella i cili ne menyre vullnetare dhe me dashuri te madhe vendosi te mbeshtes kete projekt Made in Albania. Ky projekt i Alehandro Gropul, shënon një hap të rëndësishëm drejt vendosjes së Shqipërisë në hartën globale të verës, duke promovuar jo vetëm një produkt, por një kulturë dhe një trashëgimi të pasur.