Ish-kryeministri Sali Berisha, ka paralajmëruar për një verë të nxehtë protestash kundër qeverisë. Gjatë konferencës javore me gazetarët, Berisha teksa hodhi një mori akuzash ndaj qeverisë, tha se shqiptarët nuk mund të presin shtatorin për tu ngritur kundër saj. Teksa komentoi mungesën e një ftese për takim me Presidentin e zgjedhur, Berisha foli edhe nëse ndihej i izoluar nga ndërkombëtarët Më tej Berisha akuzoi Ballën për ngjarjen e Elbasanit, teksa foli edhe për një shpërblim të Dumanit nga kreu i grupit socialist. Akuzat e Gazment Bardhit, se ka urdhëruar deputetët demokratë për të mos votuar për Komisionin e Investimeve Strategjike, Berisha i konsideroi të gënjeshtërta dhe akuzoi Bardhin e Bashën, se po i shërbejnë Edi Ramës.