Europol ka zbardhur detaje të reja, lidhur me megaoperacionin të shtrirë në shtatë shtete të botës, që vuri në lëvizje FBI-në amerikane, antimafjan italiane apo dhe autoritetet më të larta, e që goditi një organizatë kriminale shqiptare. Mësohet se grupi kriminal, sidomos pjesa që u godit në Spanjë investonte në vepra arti ku u sekuestruan 86 piktura, që arrinin vlerën mbi 5 milionë euro. Gjithashtu pjesë e konfiskimeve ishin edhe 7 mjete, një jaht dhe 16 ora luksoze që kapinin vlerën e mijëra eurove Sipas informacioneve grupi i 45 persona të organizatës kriminale shqiptare që 'furnizonte' vendet e Europës me kokainë kishte një skemë të qartë të pastrimit të parave. Rrjeti kishte krijuar disa ndërmarrje në shtete të ndryshme për të pastruar paratë e drogës duke përdorur shpesh para “Cash” për të blerë biznese dhe prona.