Ministri i Mbrojtjes, Pirro Vëngu garantoi se aleanca ushtarake mes Shqipërisë, Kroacisë dhe Kosovës nuk është ngritur kundër askujt, madje një ftesë ka pasur edhe për Beogradin. Ky sqarim erdhi pas akuzave të presidentit Aleksandër Vuçiç se ky bashkëpunim rajonal përbën kërcënim për stabilitetin e Serbisë. Vengu: “Patjetër kam vënë re një sens paniku nga deklarata zyrtare në Beograd, qoftë mediatike, qoftë politike. Marrëveshje Shqipëri-Kroaci-Kosovë është një marrëveshje trepalëshe që nuk është ndërtuar kundër askujt. Madje kam qenë unë vetë i pari që kam shprehur edhe ftesë pse jo, që Serbia nëse gjykon se rajoni, stabiliteti, qëndrueshmëria dhe e ardhmja euroatlantike e vendeve të rajonit, është e rëndësishme, atëherë pse jo edhe Serbia t’i bashkangjitet kësaj iniciative. Nuk kam marrë përgjigje për këtë ftesë.”