Zyra e shitjes së biletave është hapur dhe inspektorët janë gati; Venecia nis një skemë të re të enjten, në përpjekje për të ulur numrin e vizitorëve ditorë që kërkojnë të hyjnë në qytetin historik, me qëllim që të lehtësohet presioni i turizmit masiv. Vizitorët që hyjnë në qytetin që është pjesë e trashëgimisë botërore të mbrojtur nga UNESCO, duhet të blejnë një biletë prej pesë eurosh, dhe inspektorët, kryejnë kontrolle në pikat kryesore të hyrjes. I konsideruar si një nga qytetet më të bukura në planet, Venecia është një nga destinacionet kryesore turistike në botë, por po mbytet nën peshën e turmave. Sipas sistemit testues, të ashtuquajturat bileta të Aksesit do të kërkohen vetëm në 29 ditë të ngarkuara gjatë gjithë vitit 2024, kryesisht në fundjavë nga maji në korrik, me synimin për të bindur udhëtarët ditorë që të vizitojnë në kohë më të qeta. "Qëllimi është të gjejmë një ekuilibër të ri mes turistëve dhe banorëve të qytetit," tha për AFP Simone Venturini, këshilltar lokal, përgjegjës për turizmin.