Në një intervistë mbrëmjen e të martës, zëdhënësi i Kremlinit, Dimitry Peskov, lëshoi një deklaratë që në të të vërtetë u përkthye si ironi. Ai i quajti qesharake deklaratat perëndimore se Rusia do të sulmojë Ukrainën mëngjesin e datës 16 shkurt. Peskov i sugjeron ukrainasve që të vendosin alarmin e të qëndrojnë ngrohtë duke parë se cfarë do të ndodhë. Prej javësh në fakt perëndimi kishte paralajmëruar një pushtim të mundshëm të Ukrainës dhe agjencitë perëndimore të zbulimit, kishin përcaktuar edhe datën 16 ose 20 shkurt si fillimin e sulmit. Por mëngjesin e së martës, Rusia deklareoi se kishte filluar tërheqjen e një pjesë të trupave ushtarake pranë kufirit me Rusinë, pasi deklaroi se stërvitjet ushtarake u mbyllën atje. Këtë mëngjes ndërkohë, moska tha se po tërhiqte edhe trupat që morën pjesë në stërvitjet në Krime, gadishullin ukrainas që rusia e aneksoi në 2014-ën.