Rumania po vendos sistemet e saj të mbrojtjes ajrore në fshatrat pranë Danubit, me Ukrainën në bregun përballë, ku dronët rusë kanë sulmuar depot e grurit. Vendi ka vendosur të shtojë pikat e vëzhgimit ushtarak dhe patrullimet në zonë- thanë dy burime të larta të mbrojtjes. Masat, bashkë me dislokimin e katër avionëve ushtarakë amerikanë F-16 dhe zgjerimin e zonës së ndalimfluturimit, janë shenjë e një shqetësimi në rritje në rumani, dhe më gjerë, në aleancën e NATO-s, se lufta në ukraina do të kapërcejë kufijtë e saj. Në nëntor të vitit të kaluar, një raketë ra në poloninë jugore duke vrarë dy persona dhe duke ndezur pasiguri, edhe pse më vonë u përcaktua se kishte qenë faji i mbrojtjes ajrore ukrainase. Tani, është vendosur Rumania në fokus. Menjëherë pas tërheqjes nga marrëveshja për grurin në detin e zi, Moska nisi vendosjen në shënjestër të porteve ukrainase dhe magazinave të grurit përgjatë danubit, në një përpjekje të dukshme për të goditur trajektoren alternative për eksportet bujqësore të ukrainës. Mes shënjestrave ishin portet ukrainase të Izmailit dhe Renit, të cilët ndodhen në bregun e danubit përballë rumanisë. Incidente të izoluara me pjesë dronësh që kanë rënë në rumani, nënvizojnë rrezikun e një keqkuptimi, ose edhe më keq, mes Rusisë dhe Natos, cka edhe ka shtyrë forcat e armatosura Rumune të rrisin sigurinë në zonë dhe të mbrojnë civilët.