Presidenti Ilir Meta zgjodhi që të nxjerrë në një deklaratë për mediet këshilltarin e tij ligjor, Bledar Dervishaj, lidhur me vendimin e Gjykatës Kushtetuese për zgjedhjet e 30 qershorit. Sipas Dervishajt, “Presidenti është në krah të marrjes së vendimeve, dhe jo të shmangies së qëllimshme nga marrja e përgjegjësive; është në krah të shtetit të së drejtës, dhe jo të shtetit të kapur; dhe këto parime të palëkundura të Presidentit, nuk ka vendim gjykate, që të mund t`i ndryshojë”. Por krahas këtij qëndrimi që konfirmon atë që vetë Meta ka shprehur më parë, se krahas Gjykatës Kushtetuese ka edhe Gjykatë Europiane të të Drejtave të Njeriut, paralajmëron një tjetër lëvizje, duke e çuar këtë çështje në një nivel ndërkombëtar gjykimi.