Top News – Vendimi për inceneratorin e Elbasanit / Koka dënohet sërish me burg, Bllako i pafajshëm

Gjykata e Posaçme dha vendimet për inceneratorin e Elbasanit, ku ish-ministri i Mjedisit, Lefter Koka u dënua me 10 vite burgim, ndërsa ish-vartësi i tij, Alqi Bllako u shpall i pafajshëm. Koka u shpall i pafajshëm për akuzën e shpërdorimit të detyrës, po u gjet fajtor për akuzën e korrupsionit dhe pastrimit të produkteve të veprës penale. Për shkak të gjykimit të shkurtuar, Lefter Kokës i reduktohet dënimi në 5 vite e 8 muaj burg, ndërsa gjykata vendosi që të konfiskojë edhe pjesën e aksioneve të tij në kantinën e verës, në vlerën e korrupsionit që gjykata thotë se ka kryer. Për Klodian Zoton, Mirel Mërtirin dhe Stela Gugalljan vendimi i gjykatës ka qenë më i ashpër. Mërtiri e Zoto u dënuan me nga 10 vite burg, që me gjykim të shkurtuar zbret në 6.8 vite. Stela Gugallja u dënua me 7 vite burg, me gjykim të shkurtuar në 4.8 vite.