Qeveria kaloi fondin prej shtatë milionë eurosh që do të përdoren si kapital fillestar për shoqërinë “Albanian Digital Solution”, e cila do të shërbejë si strukturë operacionale për zhvillimin, mirëmbajtjen dhe administrimin e sistemeve digjitale të AKSHIT. Kompetencat e saj pritet të shtrihen edhe në fushën e prokurimeve publike të këtij institucioni. Sipas të dhënave në Qëndrën Kombëtare të Biznesit, kjo shoqëri është regjistruar në 15 prill dhe bazohet në ligjin ‘Për Qeverisjen Elektronike” miratuar pak kohë më parë në Kuvend. Aksionari i vetëm themelues është AKSHI, përfaqësuar nga drejtori i përgjithshëm, Igli Tafa. Janë emëruar po ashtu edhe gjashtë anëtarët e këshillit mbikëqyrës dhe administratori në detyrë për tre vite. Sipas statutit që shoqëria ka depozituar në QKB, aksionet janë të formës nominale dhe lirisht të transferueshme.