Nënkryetari I PArtisë Demokratike, njëherësh kryetar I grupit parlamentar, Gazment Bardhi, ka reaguar pas vendimit të Gjykatës Kushtetuese për të hedhur poshtë ndryshimet ligjore për Komisionet Hetimore, të bëra nga naxhoranca socialiste, teksa opozita protestonte në Parlament. Në reagimin e Bardhit thuhet se vendimi i Kushtetueses nuk përbën asnjë surprizë sepse antikushtetutshmëria ishte ulëritëse. Sipas tij “Grupi Parlamentar i Partisë Demokratike paralajmëroi se dispozitat e shtuara në Ligjin për Komisionet Hetimore synonin të asgjesonin të drejtën kushtetuese të opozitës për kontroll parlamentar, në kundërshtim flagrant me Kushtetutën, pikërisht në periudhën kur opozita po protestonte për mohimin e kësaj të drejte”. Por Bardhi shkon edhe më tej, kur akuzon Presidentin Begaj për shkelje të kushtetutës, për shkak të bindjes ndaj Kryeministrit Edi Rama.