Vetëm dy muaj pas marrjes së pushtetit në 2005, Sali Berisha vuri në lëvizje ministrin e ekonomisë, Genc Ruli dhe atë të Mbrojtjes, Fatmir Mediu për të nisur procedurat e privatizimit të qendrës më të madhe sportive në zemër të kryeqytetit, me përmasa 26.000 metra katrorë, për të cilën në total u paguan 100 mijë dollarë. Privatizimi u përmbyll me transferimin e 26 mijë metra katrorë te 64 pasaardhës të pesë familjeve ish-pronare të truallit, mes të cilëve dhe Jamarbër Malltezi. Por, dokumentacioni i arkivuar provon se ish-pronarët ishin kompensuar njëherë për këtë truall që në vitin 1940. Por, si u përfshi si aksioner Jamarber Malltezi? Në shtator 2013, kompania “Homeplane” në bashkëpunin me “Kontakt” marrin leje zhvillimore për ndërtimin e një kompleksi pallatesh, tek zona e ish-kompleksit Partizani. Leja, e dhënë nga Lulzim Basha, është zbardhur nga Bashkia e Tiranës në 18 gusht 2013 dhe vetëm 6 muaj pas nisjes së punimeve, dhëndëri i Sali Berishës futet si aksioner i këtij investimi miliona euro. Jamarbër Malltezi është shtuar si aksioner me 35 për qind tek kompania “Homeplane”, me kontribut 35 mijë lekë. Pra, e thënë më thjeshtë, me 35 mijë lekë, dhëndëri i Sali Berishës merr 1/3 e një kompleksi prej 20 milionë eurosh Jamarbër Malltezi, është shtuar si aksioner te kompania “Homeplane” në dhjetor të vitit 2018, ndërsa këto aksione i ka blerë në 23 janar të vitit 2014. Firma e ndërtimit “Homeplane” është themeluar nga biznesmeni Fatmir Bektashi, gjithashtu i arrestuar nga SPAK në vitin 2008 dhe objekt i saj ishte fusha e ndërtimit