Bashkimi Evropian ka dënuar vendimin e Izraelit për ndërtimin e 3.426 shtëpive në Bregun e pushtuar Perëndimor, duke zgjeruar edhe më tej vendbanimet e paligjshme në këtë territor. Përmes një deklarate blloku evropian i bëri thirrje Izraelit që të zhbëjë këtë vendim. ‘BE përsërit se vendbanimet janë ilegale sipas ligjit ndërkombëtar dhe përbëjnë pengesë për paqe pasi ato kërcënojnë zgjidhjen me dy shtete’, u tha në deklaratë ku u shtua se vendimi për ndërtimin e vendbanimeve të reja është në kundërshtim me përpjekjet për të ulur tensionet’. Mbikëqyrësi i vendbanimeve izraelite, Peace Noë, tha se 3.426 shtëpi janë planifikuar që të ndërtohen në Male Adumim dhe Keder në lindje të Jerusalemit dhe në Efrat, në jug të qytetit. Ministri i Financave të Izraelit, Bezalel Smotrich, muajin e kaluar ishte zotuar se do të zgjeroheshin vendbanimet.