Një shtetas ka goditur vëllanë e tij me thikë, për motive të dobëta, në fshatin Labinot Fushë në Elbasan. Ngjarja u raportua pasditen e së dielës, kur në Spitalin Rajonal Elbasan u paraqit 46-vjeçari, i cili kërkoi ndihmë mjekësore për lëndimet e shkaktuara nga një mjet prerës në dorë. Pas marrjes së informacionit, Policia e Elbasanit nisi menjëherë hetimet, ku u zbulua se plaga ishte shkaktuar nga vëllai i tij. Gjatë operacionit u kap dhe u arrestua në flagrancë autori i dyshuar 35 vjeç. Sipas hetimeve, autori ka goditur vëllanë e tij me thikë, për motive të dobëta, por arsyet e vërteta janë ende të paqarta. Sakaq bëhet me dije se i dëmtuari, është jashtë rrezikut për jetën. Gjatë kontrollit në banesën e autorit të dyshuar, policia ka sekuestruar thikën që dyshohet të jetë përdorur në ngjarje, si dhe disa fishekë arme gjahu, që ishin të paligjshme. Materialet hetimore janë dorëzuar në Prokurorinë pranë Gjykatës së Shkallës së Parë të Elbasanit për veprime të mëtejshme ligjore. Ndërkohë që policia vazhdon hetimet për të zbardhur rrethanat e ngjarjes.