Kryebashkiaku Veliaj akuzoi prokurorin Olsi Dado gjatë gjyqit se është në konflikt interesi. “Ti je në konflikt interesi, e ke personale me mua. Më je paraqitur dy herë për leje ndërtimi, ke marrë leje ndërtimi nga ana ime. Pasi ke mbetur i pakënaqur më ke thënë “do ta mbash mend”. Ke dy rrugë, ose rë largohesh nga kjo çështje, ose të rreshtohesh me ndërtuesit e tjerë këtu”. mësohet se tha kryebashkiaku. Gjatë gjyqit të zhvilluar këtë të mërkurë. Top News mëson se Veliaj gjatë fjalës së tij kërkoi shpjegim se përse është arrestuar. “Nuk më është shpjeguar edhe sot pse jam i arrestuar, unë një kryetar bashkie që jam votuar nga populli i Tiranës, kam bërë detyrë time. I kam hyrë në hak familjes se kam punuar edhe të shtunë edhe të diele edhe për festa kam punuar.” tha Veliaj ndërsa shtoi me tej: “Por mallkuar qoftë ai që punon në këtë vend, se bëhet objekt sulmi dhe gjendet në këtë situatë qe jam unë sot. Vila në Qerret nuk është e jona, është e natyrshme që aty do gjenden lodrat e fëmijës sim dhe se bashkëshortja ime është fëmijë i vetëm dhe vjehrra ime dhe nuk e di pse duket kaq e panatyrshme që të jenë lodrat e fëmijës tek shtëpia e gjyshes.” Ndërkohë prokurori tha se të gjitha veshjet kishin kod unik dhe ishin veshje personale, buzëkuq dhe bizhuteri.