Kryebashkiaku Erion Veliaj, teksa prezatoi strategjinë e zhvillimit të Ujësjellës Kanalizime Tiranë për 5 vitet e ardhshme, u ndal edhe te kundërshtarët politikë, që sipas tij, vizioni i tyre për Tiranën është disko Krokodili në Parkun Rinia. “Kur dëgjoj Sali Berishën dhe Ilir Metën, më kujtohet se ata e kishin në dorë menaxhimin e Ujësjellësit, e kishin në dorë edhe impiantin e ujërave të zeza, të cilin duhet ta dorëzonin gati, por krejt papritur e harxhuan shumicën e grantit japonez – harxhuan 90% të grantit për 30% të punës - dhe për këtë arsye, disa nga kandidatët u tërhoqën nga kritikat sepse e kuptuan se gjysmën e atyre që bënë burg për grantin japonez dhe për mënyrën si shkoi në djall ai projekti i ujërave të zeza të Tiranës, në fakt tani i kanë në listën për Këshillin Bashkiak të Ilir Metës dhe Sali Berishës”.