Njësia 7 ishte ndalesa e radhës e kreut të Bashkisësë Tiranës, Erion Veliaj në turin e nisur në të 27 njësitë administrative, ku përuroi këndin e ri të lojërave në Rr. “Frosina Plaku”. Fëmijëve dhe të moshuarve të zonës iu rikthye një tjetër hapësirë publike për lojëra dhe çlodhje. Veliaj u bëri thirrje banorëve që të zgjedhin administratorët e pallateve dhe të aplikojnë përtë përfituar nga “Fondi i Komunitetit”. Ai theksoi se bashkia do të vijojë me projektin e saj të ndërtimit të një këndi të ri lojërash çdo muaj. Kryebashkiaku i njohu banorët e Njësisë 7me një sërë investimesh të rëndësishme që do të kryhen në zonën e tyre. Zgjatimi i Lanës do të vazhdojë nga Pallati me Shigjeta deri në Kashar. Veliaj i siguroi se asnjë nga ata që do të preken nga këto projekte të nevojshme infrastrukturore për qytetin, nuk do të mbetet jashtë.