Kryetari i Bashkisë së Tiranës, Erion Veliaj u ndal në qendrën sociale të Shkozës për t’u shërbyer njerëzve në nevoje drekën e pashëks. Veliaj tha se sot është një ditë ku duhet të falim më shumë dashuri, ndërsa kërkoi që rivaliteti politik mes vetes të mos pengojë punët e mira në qytet. “Sot është ditë jo vetëm e Pashkës, por sot është dita e Dëshmorëve. Kur kujtoj se ka pasur njerëz që e kanë dashur kaq shumë këtë vend sa kanë dhënë jetën e tyre, sot ne nuk na kërkohet kjo sakrificë. Sot na kërkohet vetëm mos ta pengojmë njëri-tjetrin, mos ta pengojmë Tiranën, mos t’i vëmë stërkëmbëshin çdo pune të mirë. Mos të shajmë çdo gjë të bukur që bëhet”, u shpreh Veliaj. Kryebashkiaku shtoi se është shumë e rëndësishme të shtyjmë përpara projektet për Tiranën, dukeu ndalur edhe te banesat e reja të Rindërtimit pas tërmetit, duke theksuar se pas Vorës, po nis puna me ato të 5 Majit dhe më pas të zonës së Kombinatit.