Pas Kavajës, drejtuesi politik i PS për qarkun Tiranë, Erion Velaij u ndal edhe në Rrogozhinë, ku zhvilloi një takim me socialistëtë dhe u kërkoi atyre votën për të bërë më shumë punë sec është bërë, ndërsa shtoi se opozita i përdor qytetarët për të mbushur autobusët e “revolucioneve”. “Kur në Tiranë je drejtori i bingove, basteve dhe lojërave të fatit të Saliut dhe sa vijnë zgjedhjet transferohesh në Rrogozhinë, që t’i shfrytëzosh njerëzit për zgjedhje, kjo është fyerje. Ndaj, ftesa ime për ata që janë të djathtë - aq pak sa kanë ngelur në Rrogozhinë - është: ‘O shokë, pse pranoni të fyheni nga partia juaj? Pse pranoni të bëheni mish për top - mbush autobusë, mbush furgonë për të ardhur në Tiranë dhe për të lënë nam me një revolucion që është bërë skandal? Është bërë turpi i botës të shohësh se si vijnë me Range Rover gjithë oborri i partisë. E keni parë se si i gjejnë paratë për autobusë, për sufllaqe, për kamiona e për bataliona? Por nuk kanë mundësi të ndihmojnë njerëzit, qoftë edhe të partisë së tyre”.