Në 33-vjetorin e themelimit të Partisë Socialiste, Drejtuesi Politik për Qarkun e Tiranës, Erion Veliaj teksa ka marrë pjesë në takimin me strukturat e Partisë Socialiste në Njësinë 8 falenderoi çdo socialist që ka kontribuuar në vitet më të vështira të PS. Ai tha se ky 33-vjetor i themelimit të PS është edhe një moment për theksuar punën e madhe që është bërë për Tiranën dhe Shqipërinë. “Sot jetojmë në ditët më të mira të Tiranës dhe të Shqipërisë, por ama duhet të kujtojmë se kjo forcë që fiton betejë pas beteje, ka pasur edhe ditë të vështira, e megjithatë as nuk u lodh, as u dorëzua, as hoqi dorë, as nuk i tradhtoi idealet, as bëri pazar, ama qëndroi fort. Sot është dita për të festuar ata burra dhe gra, shokë dhe shoqe, motra dhe vëllezër, që i kanë qëndruar këtij ideali në ditët kur ishte jashtëzakonisht e vështirë ta bëje këtë.”