Takimi i radhës i kryebashkiakut Erion Veliaj, u zhvillua me fermerët e Kavajës, ku së bashku me ministren e bujqësisë Frida Krifca, ai tha se një fermer punon vetëm për të ecur përpara dhe jo mbrapa. “Po mendoja për sloganin tonë, teksa po binte shi, dhe thashë: Shyqyr zotit, gjithë ky bereqet, edhe për ne që merremi me Ujësjellësin, si une, Redi apo Edisoni, që duam të mbushen rezervuarët, por edhe për ata që kanë produkte. Keni parë traktor që e lëron tokën mbrapsht? Keni parë ndonjë që e përdor shatin mbrapsht? A keni parë njeri që e vjel frutin mbrapsht? Çdo proces, edhe proceset tona jetike, edhe mënyra si ecim, edhe mënyra si i japim zetorit, edhe mënyra si prashisim, edhe mënyra si vadisim, është vetëm duke ecur përpara”. Drejtuesi politik i PS për qarkun Tiranë, nuk la pa përmendur edhe palën kundërshtatre, duke thënë se I sheh qytetarët vetëm si mish për top dhe se i përdor ato për të mbushur autobusët, për të dalë në protestë kundër Ramës.