Në kuandër të fushatës zgjedhore kryetari i bashkisë së Tiranës Erion Veliaj është ndalur në Synej të Kavajës, që përkon edhe me vendin ku Sali Berisha ka dalë deputet. Veliaj tha se ish-kryeministri do të humbasë edhe më thellë këtë herë. Sipas tij , të gjithë në Partinë Demokratike e kanë mësuar se me Saliun dhe Metën nuk fitojnë kurrë dhe së është e qartë që ata janë destinuar të humbasin. “Që Partia Demokratike do humbë, këtë nuk e luan as topi, por që Saliu do dalë edhe më keq se Luli e Grida, jam gati të vë bast që sot, sepse mendoj që edhe brenda PD do ketë reflektim. Do ketë humbje e humbje! Do humbasin me ne, por edhe brenda llojit të vet. Saliu nuk do jetë më njëshi, sepse edhe ata vetë e kanë kuptuar që po i mban peng. Ata kanë kuptuar se Luli është vetëm një kukull që kurdiset në Lalëz, një marionetë që rrotullojnë me spango. Njerëzit e dinë, edhe PD e di, që sa më shumë merret Saliu dhe Iliri me ta, aq më të destinuar janë të humbasin. Kjo është shumë e qartë” Ai ka akuzuar Kreun e partisë demokratike se nuk I ka ndihmuar njerëzit atëherë kur atë kishin nevojë. Sipas tij pd ka rreshtuar makinat “Range Rover” në fushatë dhe se për këtë arsye ska fytyrë që të flas për varfëri.