Mbrojtja e Kryebashkiaku i Tiranës, Erion Veliaj i është drejtuar me një tjetër kërkesë Gjykatës Kushtetuese, përmes të cilës i sugjerojnë përshpejtimin e shqyrtimit të ankimimit për masën e sigurisë, duke renditur një sërë argumentesh. Kërkesa e depozituar nga avokatët për përshpejtim të shqyrtimit rendit si argument pasojat në qeverisjen e Tiranës dhe kufizimet e kryebashkiakut në ushtrimin e detyrave për të cilat është votuar për shkak të izolimit në paraburgim. Kjo padi për përshpejtim vjen dy javë pasi Veliaj, i arrestuar që nga muaji shkurt kërkoi shfuqizimin e vendimeve të gjykatave më të ulëta që aprovuan mbajtjen e tij në paraburgim. Në Kushtetuese ende nuk është caktuar një datë, ndërkohë që më herët e njëjta gjykatë i dha të drejtë Veliajt, duke e kthyer në detyrë dhe duke shfuqizuar në këtë mënyrë vendimin e Këshillit të Ministrave. Të premten kur u mbajt seanca paraprake e radhës, kryebashkiaku përsëriti thirrjen që t’i aksesonin fashikujt e hetimit dhe për këtë akuzoi drejtësinë për standarde të dyfishta, pasi ish-presidentit Meta dhe të pandehurve të tjerë u janë vënë në dispozicion materialet, ndërsa atij jo.