Bashkia e Tiranës ka njoftuar se kryetari Erion Veliaj ka pranuar dorëheqjet e zv.kryetares së Bashkisë, Anuela Ristani, Sekretarit të Përgjithshëm, Alban Hoxha, dhe shefes së Kabinetit, Odeta Beshku. Sipas njoftimit, Veliaj ka vijuar të firmosë vendime dhe dokumente nga qelia, ndonëse ndodhet prej 19 muajsh në paraburgim. Bashkia bën me dije se kryetari ka firmosur të gjitha listëpagesat brenda një ore nga momenti kur ato i kanë mbërritur në paraburgim. Po ashtu, Veliaj ka miratuar shtesa fondesh për çerdhet dhe kopshtet e Tiranës, si edhe abonentë të transportit falas për pensionistët e kryeqytetit. Sipas Bashkisë së Tiranës, këto vendime janë marrë nga kryetari Veliaj gjatë qëndrimit të tij në paraburgim. Pak ditë pasi, kryebashkiaku Erion Veliaj vendosi që të shkarkojë Anuela Ristanin si kryetare të komanduar, me argumentin se nuk ka zbatuar urdhrat e të zgjedhurit të shumicës së qytetarëve të Tiranës, burime i thanë Top News se sekretari i përgjithshëm i bashkisë së Tiranës, Eldi Hoxha dha dorëheqjen nga detyra. Në këto kushte, kryetari i bashkisë së Tiranës, Erion Veliaj komandoi Alban Dokushin për ta rikthyer në detyrë pas vendimit gjyqësor që e konsideroi shkarkimin e tij të paligjshëm. Kujtojmë se një muaj pas arrestimit të kryebashkiakut Erion Veliaj, nënkryetarja Anuela Ristani të cilës ju deleguan kompetencat e numrit një të bashkisë, vendosi të shkarkojë sekretarin e përgjithshëm Alban Dokushi. Gjykata Administrative se e konsideroi në kundërshtim flagrant me ligjin shkarkimin e Dokushit nga detyra dhe vendosi shfuqizimin e këtij vendimi dhe detyrimin që bashkia e Tiranës ta rikthejë atë në pozicionin e mëparshëm të punës ose nëse nuk është e mundur në një pozicion të barazvlefshëm me të.