Ardjan Malasi, 58 vjeç, I dënuar në burgun e Fierit, ka ndërruar jetë në rrethana ende të paqarta. Sipas burimeve pranë burgut, 58 vjeçari ka kërkuar ndihmën mjekësore teksa ndodhej brenda qelisë dhe ka humbur ndjenjat pasi u transferua ne infermieri. Ardjan Malasi u dërgua me ambulancë në spital, por nuk ka arritur të mbijetojë. Autoritete dyshojnë se 58-vjecari ka pësuar hemoragji celebrale, ndërsa pritet kryerja e autopsisë. I dënuari ishte transferuar nga burgu 313 i Tiranës, ‘Jordan Misja’ në burgun e Fierit, prej më shumë se një muaj, pas marrjes së vendimit të formës së prerë si I dënuar. Ardjan Malasi ishte dënuar me 8 vite burg nga GJKKO për kryerjen e veprave penale “Pastrimi i produktit të veprës penale ose veprimtarisë kriminale”, kryer në forma bashkëpunimi të veçantë dhe në kuadër të grupit të strukturuar kriminal. 58 vjeçari ishte arrestuar më 28 tetor të vitit 2023, ndërsa I kishin mbetur për të vuajtur edhe 3 vite e 10 muaj e 12 dite burg.