Deputeti dhe miliarderi francez, Olivier Dassault ka ndërruar jetë ditën e sotme pas një aksidenti ajror. Sipas mediave franceze, 69-vjeçari ndërroi jetë në Calavdos në Normandi, ndërsa ngushëllimet për vdekjen e tij i ka shprehur edhe presidenti francez Emmanuel Macron. “Olivier Dassault e donte Francën. Kapiten i industrisë, zyrtar i zgjedhur lokal, komandant rezervë në forcën ajrore: gjatë jetës së tij, ai kurrë nuk pushoi së shërbyeri në vendin tonë. Vdekja e tij e papritur është një humbje e madhe. Mendimet e mia shkojnë për familjen dhe të dashurit e tij,“-shkruan presidenti. Sipas Forbes Magazine, pasuria e Dassault kapte vlerën e rreth 5 miliardë euro. Perandoria e biznesit u themelua nga gjyshi i tij Marcel, një inxhinier aeronautik dhe shpikës i famshëm i cili zhvilloi një helikë të përdorur në aeroplanët francezë gjatë Luftës së Parë Botërore.