Gaston Glock, prodhuesi austriak i pistoletave dhe krijuesi i armëve të kalibrit të vogël të bëra shumë të famshme, është ndarë nga jeta në moshën 94 vjecare. Lajmi është komunikuar nga kompania e tij, në faqen e saj të Internetit. “Në kujtim të Gaston Glock...perfeksioni do të vazhdojë”, shkruante Glock GmbH, duke e shoqëruar homazhin me një foto të biznesmenit me një shirit të zi. Gaston Glock, kishte themeluar kompaninë e tij të armëve në 1963, në Deutsch Ëagram (Dojç Vagram) në Austri. Babai i gjysmëautomatikes Glock, kishte studiuar inxhinieri mekanike në Vjenë para se të realizonte prototipet e pistoletave. Në 1982, ai fitoi një garë të shpallur nga ushtria austriake duke projektuar një armë zjarri të realizuar në pjesën më të madhe të saj me materiale jo metalike. Kompania, që sot ka shumë filiale në të gjithë botën, është bërë një markë globale falë pistoletës së tij, e cila, vec të tjerash, është përdorur me shumë sukses dhe në kinema.