Një 18 vjecare në Itali, Camilla Canepa, u godit nga një trombozë e rëndë e cila në përfundim i mori edhe jetën. Dy javë më parë, më 25 maj, studentja e liceut teknologjik kishte marrë dozën e parë të vaksinës së AstraZeneca-s pasi ishte bërë pjesë e Open Day, që në Liguria i ka lejuar 18 vjecarët e sipër të kërkojnë vullnetarisht të marrin vaksinën. Që në ditët e shkuara, fati i kamilës kishte ndezur dyshime në komunitetin shkencor e më gjerë, për mundësinë e dhënies së këtij lloji të vaksinës të rinjve, vecanërisht grave të reja. Pas shtrimit në spital të shtunën e kaluar, kamila iu nënshtrua një operacioni për heqjen e trombozës. Situata e të resë në ditët në vijim mbeti stabël, por në fazë kritike ndërkohë që ajo nuk mundi të mbijetonte. Tani prindërit kanë autorizuar dhurimin e organeve të saj. Reagimet pas vdekjes së vajzës kanë qenë të shumta. Zyrtarët lokalë kanë shprehur ngushëllimet për familjen ndërkohë që janë ndezur sërish debatet për administrimin e vaksinës së astrazeneca-s tek të rinjtë. Autoritetet lokale kanë pezulluar përkohësisht dhënien e astrazeneca-s në pritje të një vendimi përfundimtar.