Prokuroria e Sarandës ka penguar varrosjen e 40 vjecarit Gerti Kallojeri, i cili u gjet të shtunën pa shenja jete brenda banesës së tij në Ksamil. Ka qenë nëna e të ndjerit ajo e cila gjeti të birin pa jetë në banesë, e cila më pas njoftoi shërbimin funeral për të varrosjen e 40 vjacarit. Sipas informacioneve, agjencia funerale kishte përgatitur procedurat për varrimin e Gerti Kallojerit, pa pyetur familjarët mbi shkaqet e vdekjes së tij, apo pa kërkuar ndonjë raport mjekësor. Ndodhur në këto kushte Prokuroria e Sarandës dhe policia, shkuan në banesën e 40 vjecarit për të ndjekur nga afër rastin dhe morën vendimin për pengimin e varrosjes së të ndjerit, në mënyrë që trupi i tij të transportohej në Institutin e mjekësisë ligjore në Tiranë për kryerjen e një ekspertize, e cila do të përcaktojë shkakun e vdekjes. Shërbimi funeral ka thënë për grupin hetimor se familjarët e kishin informuar për kryerjen e veprimeve ligjore, ndërsa nga ana e këtyre të fundit nuk ka patur pretendime. Trupi i pajetë i 40 vjecarit do i nënshtrohet një ekspertize në IML, e cila do përcaktojë kohën e vdekjen së tij si dhe shkakun. Kallojeri punonte prej vitesh në Greqi, teksa prej 4 ditësh ishte kthyer në Ksamil, aty ku ndërroi jetë.