Ambasada Ruse në Shqipëri konfirmon vdekjen e katër shtetasve rusë, Natalia Burenkova, Sergei Burenkov, Ekaterina Burenkova dhe Nikita Belousov në një hotel pranë qytetit të Kavajës në zonën e Qerretit. “Seksioni konsullor i Ambasadës është në kontakt të vazhdueshëm me agjencitë e zbatimit të ligjit të vendit dhe po sqaron rrethanat e incidentit. Ne mezi presim një hetim të plotë nga ana shqiptare për shkaqet e vdekjes së rusëve. Familjarët e viktimave janë njoftuar. Trupat do të riatdhesohen në vendlindjen e tyre”, thuhet në reagimin e ambasadës zyrtar të ambasadës ruse për ngjarjen në një postim në rrjetet sociale. 4 turistët rusë, një çift bashkëshortësh, vajza e tyre dhe i fejuari i saj u gjeten të pajetë në mjediset e jakuzit të një hoteli në zonën e Qerretit në Kavajë, rreth mesnatës së të premtes. Shkaqet deri më tani mbeten mister dhe priten të zbardhen nga ekspertiza mjeko-ligjore. Sic është bërë e ditur gjatë ekspertizës janë njoftuar të jenë të pranishëm edhe përfaqësues të ambasades ruse. Katër turistet rusë mberriten në Qerret të dielen e kaluar përmes një agjensie turistike që solli edhe tetë bashkekombas të tyre që po vizitonin jo vetëm Shqipërinë, por edhe Ballkanin. Nga të dhënat hetimore dhe kqyrja e sistemit tims rezulton se diten e fundit të jetes 4 turistet vizituan në grup qytetin e Ohrit. Përmes telefonit ata rezervuan ambjentet SPA që kërkuan t’i frekuentojnë në orën 20 të së njëjtës ditë. Punonjësja e hotelit që i gjeti të pajetë në mjediset e saunës ka treguar se turistët rusë zbriten nga dhomat në orën 20.30 dhe u drejtuan për në SPA. Pak më vonë deshmitarja kyç i pyeti nëse kishin nevojë për ndonjë shërbim, por turistët ju pergjigjen jo. Dyshimi i parë i policisë dhe pista kryesore e hetimit është se 4 shtetasit rusë mund të kenë vdekur nga asfiksia dhe qëndrimi i gjatë në sauna, por kjo mbete për t’u zbardhur nga ekspertiza mjeko-ligjore.