Pas nderimeve shtetërore dhe ushtarake ndaj, Ratko Mlladiç, ‘Kasapit të Bosnjes’, të dënuar për gjenocid, krime lufte dhe krime kundër njerëzimit, Komisioni Europian, ka paralajmëruar Serbinë se do të rishqyrtohet mundësia e e vazhdimit të bisedimeve për pranimin e saj në Bashkimin Evropian. zëdhënësi I KE, Guillaume Mercier, tha se zhvillimet e fundit politike, do të merren parasysh, gjatë diskutimeve mbi Grupin 3 janë duke u zhvilluar aktualisht me shtetet anëtare. Serbia nuk ka hapur asnjë kapitull të ri negociatash që nga dhjetori i vitit 2021. Komisioni Evropian ka mbështetur prej vitesh vazhdimin e bisedimeve për pranim midis Bashkimit Evropian dhe Serbisë, duke rekomanduar hapjen e Grupit 3. Procesi I negociatave me Serbinë ka ngecur në pothuajse pesë vitet e fundit. Fillimisht, arsyeja për këtë ishte mungesa e përputhshmërisë me politikën e jashtme të BE-së, kryesisht dështimi për të vendosur sanksione ndaj Rusisë në përgjigje të agresionit kundër Ukrainës, ndërsa më vonë gjendja e sundimit të ligjit nxiti më tej skepticizmin e disa shteteve anëtare. Pas ngjarjeve lidhur me vdekjen dhe nderimet ndaj Mlladiç, tensionet me BE u ndërlikuan. Presidentja e KE, Ursula von der Leyen, dhe presidenti i Këshillit Evropian, Antonio Costa, lëshuan një deklaratë të përbashkët, duke i përshkruar nderimet shtetërore nga Beogradi të Mlladiç, si "tronditëse".