Shefi i organizatës së OKB-së për të drejtat e njeriut tha se është "i tmerruar" nga shkatërrimi i spitaleve Nasser dhe al-Shifa të Gazës dhe raportet për gjetjen e "varreve masive" atje pas bastisjeve izraelite. Volker Türk bëri thirrje për hetime të pavarura. Zyrtarët palestinezë thanë se kishin zhvarrosur 283 trupa në spotalin Nasser, disa me duar të lidhura. Nuk është e qartë se si ata kanë vdekur dhe se kur janë varrosur. Ushtria izraelite ndërkohë tha se pretendimet se ajo kishte varrosur trupa atje ishin "të pabaza". Por ajo tha se gjatë një operacioni dy-javor në spitalin në qytetin Khan Younis në shkurt, ushtria "ekzaminoi" trupat e varrosur nga palestinezët "në vende ku inteligjenca tregonte praninë e mundshme të pengjeve".